Војните се ужасни само по себе, оставаат трајни последици. Трауми се јавуваат и кај децата и возрасните. Сириецот Абдула ал Мохамед, во намера барем малку да и го олесни детството на својата тригодишна ќерка Салва, ја научил да се смее секогаш кога ќе слушне експлозија на бомба.
Видеото кое е објавено на социјалните мрежи во кое се гледа како Салва реагира кога ќе слушне експлозија на бомба, многумина го споредија со филмот на Роберто Бенини „Животот е убав“, во кој еврејскиот татко го штити својот син од ужасите на нацистичкиот концентрационен логор.
„Барав решение бомбардирањето на детето да не му биде страшно. Ја научив дека тоа не е застрашувачко и дека треба да се смее. Салва мисли дека звуците на бомбите се всушност звуци на детски играчки“, изјавил Абдула за лондонски „Индипендант“.
Абдула и неговата ќерка Салва моментално живеат во куќата на пријатели во градот Сармада вио идлиб, откако биле приморани да го напуштат својот дом поради војната во Сирија.
what a sad world,
To distract 4-year old Selva, her father Abdullah has made up a game.
Each time a bomb drops in Idlib #Syria, they laugh, so she doesn’t get scared.
— Ali Mustafa (@Ali_Mustafa) February 17, 2020
