Македонија оваа година ќе има само еден претставник во групната фаза од Европската лига на ЕХФ, откако РК Бутел Скопје и Еурофарм Пелистер 2 беа сопрени од Алпла Хард, па така само вицешампионот Еурофарм Пелистер ќе ја брани честа на мак-ракометот во второто по ранг натпреварување на ЕХФ.
На ждрепката во седиштето на ЕХФ во Виена без извлечени групите за новата сезона во ЕЛ. Битолскиот тим беше во вториот барабан и за противници ги доби Фуксе Берлин, Мотор Запорожје, Бидасоа, Скандерборг и Агуш Санташ. Така Еурофарм Пелистер двапати ќе гостува во Германија, затоа што покрај дуелот со Фуксе Берлин, и натпреварот против Мотор Запорожје ќе го игра во Германија, поточно во Дизелдорф.
Пелистерци оставија одличен впечеток во последните две сезони во ова натпреварување и двапати ја минаа групата и играа во елиминационата фаза. Во премиерната сезона беа елиминирани од Магдебург, додека лани беа сопрени од Нексе Нашице.
Група А: Бенфика, Кадетен Шафхаузен, Татран Прешов, Гепинген, Монпелје, Веспрем КФТ
Група Б: Екс Ан Прованс, Иштад, Валур, Фленсбург, Бенидорм, Ференцварош
Група Ц: Скјерн, Гранољерс, Балатонфуреди, Спортинг Лисабон, Нексе, Алпла Хард
Група Д: Фуксе Берлин, Еурофарм Пелистер, Мотор Запорожје, Бидасоа, Орхус, Агуаш Санташ
Фото: Е.Пелистер (Фејсбук)