Мирисна, со неверојатна боја и уште по неодолив вкус, тиквата е вистинска кралица на есенската трпеза. Ако сте навикнати да ја јадете и готвите само како десерт, време е да почнете да уживате и во нејзината друга страна, онаа солената. Токму поради својот слаткаст вкус тиквата е совршена во комбинација со сезонските зеленчуци во неодоливите чорби.
Потребно е:
- 2 кг тиква
- 4 големи страка праз, белите и меките зелени делови, грубо исечкани
- 5 лажици несолен путер
- 7 гранчиња свежа мајчина душичка
- 5 шолји пилешки бујон
- 1 1/5 лажиче сол
- ½ лажиче свежо сомелен црн пипер
- ½ шолја кисела павлака
- Околу 3 лажичиња свежо исечкан власец
- за декорација 8 ленти сланина, печурки или крутони
Приготвување:
Прво испечете ја тиквата исечена на парчиња со мекиот дел надолу, на хартија за печење и печете додека да омекне. Кога ќе се се подизлади, издвојте ја средината со лажица.
Во меѓувреме во тенџере растопете путер на тивок оган, додадете ги празот и мајчината душичка, мешајќи повремено, додека да омекне празот, околу 40 минути, и на крајот извадете ги гранчињата мајчина душичка.
Додадете ги бујонот и пирето од тиквата. Варете на умерен оган околу 20 минути. На крајот испасирајте ја супата во блендер додека да добиете креместа, мазна чорба. Вратете ја супата во тенџерето и зачинете ја по вкус со сол и црн пипер.
При служењето во секоја чинија ставете лажица киселака павлака, лажиче власец и парченца сланина.