Веќе нема никаква дилема дека раководните лица на италијанскиот калчо гигант Интер сакаат за време на зимскиот преоден рок да стават крај на соработката со данскиот интернационалец Кристијан Ериксен.
Иако пред нешто помалку од една година беше ангажиран за 20 мил. евра, офанзивниот играч за врска е „закован“ за клупата за резервни фудбалери и не е дел од плановите на шефот на стручниот штаб, Антонио Конте. Италијанските медиуми открија дека Данецот веќе бил понуден на најбогатите клубови во Премиер лигата.
