Европската комисија го зголемува финансирањето за истражување за борба против Ковид-19. Подготвен е список со 11 нови проекти, за кои ќе бидат издвоени вкупно 120 милиони евра од „Хоризонт Европа“, најголемата европска програма за истражување и иновации (2021-2027).
Целта е да се поддржи итно истражување за Ковид-19 и неговите соеви. Во 11 проекти учествуваат 312 истражувачки тимови од 40 земји, вклучително и 38 учесници од 23 земји кои не се земји-членки на Европска Унија.
Многу од проектите ќе поддржат клинички испитувања на нови третмани и вакцини, како и развој на големи студии поврзани со короронавирусот и на мрежи надвор од Европа.
Другите проекти ќе го прошират пристапот до инфраструктурите за истражување кои обезбедуваат услуги или се потребни за размена на податоци, експертиза и истражувачки ресурси меѓу истражувачите со цел да се создадат услови за истражување за решавање на коронавирусот и неговите соеви. Таквите инфраструктури вклучуваат некои веќе постојни, како што се Европската платформа за податоци за Ковид-19 и европските истражувачки структури.
