Балот ја негува вековната австриска традиција. Тој секогаш ја има и својата хуманитарна препознатливост. Годинава, дел од средствата од продадени билети беа наменети за народот на Украина.
(Дуле Миќиќ)
Иако со мало оправдано задоцнување, но во голем холивудски стил, а на австриски гламурозен начин, овој викенд во Скопје се одржа „Виенски бал 2022“. Балот поради пандемијата со коронавирусот две години беше „на пауза“, но сега уште похрабар, пооригинален, поавтентичен и повесел им се врати на скопјаните.
–
–
Го славеше животот, така што 21. издание на овој престижен настан беше мошне интересен, а под покровителство на: Амбасадата на Република Австрија во Македонија и градот Виена, како и „Здружението за културна соработка Јохан Штраус“, но и со ексклузивно медиумското присуство на весникот ВЕЧЕР и порталот vecer.press
Гостите, господата и дамите, меѓу кои и: вице-премиерот Бетиќи, личностите од музичкиот (Димитар Андоновски), економскиот, медиумскиот, модниот, водителскиот, спортскиот, банкарскиот, дипломатскиот, медицинскиот свет (д-р Софија Пејкова, професор д-р Христо Пејков)……свечено облечени за ваквите пригоди, најпрво со искрени зборови ги поздрави шармантната водителка, поранешната Мис на Македонија, Вера Мештеровиќ (и таа свечено облечена, но во фустанот на “Елена Лука“):
–
–
– Балот веќе две децении е дел од мапата на светски метрополи, кои ја негуваат вековната австриска традиција. Тој секогаш ја има и својата хуманитарна препознатливост. Годинава дел од средствата од продадени билети беа наменети за народот на Украина. Наша должност што ја имаме како луѓе е да бидеме хумани битија, со почит и разбирање кон оние на кои им е потребна помош. Потоа гостите ги поздрави неговата екселенција, австрискиот амбасадор Георг Вуцас.
–
–
Официјалниот дел се отвори со звуците на Штраусовата „Полонеза“, а според традицијата на самите виенски балови. Со топлина во душата ги проследивме и настапите на танцовиот клуб „Прима данца“, членовите на „Јохан Штраус“ под диригентската палка на Бисера Чадловска, “Свингерси бенд“, Дејан Бобиќ-Дексо, Билјана Ѓошева, првенците на балетот при НОБ, Саша Ефтимова и Балаш Локсеи, како и танчарска двојка од Бугарија, Роси Михалева и Стилијан Станев.
–
–
–
–
–
Целата вечер, од почеток до крај, присутните ексклузивни гости уживаа во вистинската магија на музиката и танцот, но и во магијата на светските евергрини и домашни хитови.
–
–
–
Со нетрпение го очекуваме в година да се случи наредното издание на балот, кој традиционално ќе се врати во својот вообичаен термин, во месец март. (Строго забрането е објавување на овие фотографии од vecer.press на други портали)