Премиерлигашот Евертон покажува интерес за напаѓачот на Гремио и репрезентацијата на Бразил, Евертон, пренесува „Скај спортс“. Новиот менаџер на тимот од Ливерпул, Карло Анчелоти, бара засилување во нападот, откако го смени системот во 4-4-2.
Извршниот директор на бразилскиот клуб, Клаус Камара, го потврди интересот на Британците, но истакна дека сè уште нема официјална понуда. Дваесет и тригодишниот напаѓач настапи на 57 натпревари во сезоната 2019 и постигна 20 погодоци. Во 2018 година Евертон дебитираше во репрезентацијата на Бразил. На неговото конто во дресот на „кариоките“ се три гола на 14 натпревари.
