Најмалку четири лица се повредени, од кои едно потешко, во инцидентот што се случил утрово во Норвешка кога едно лице ги нападнало луѓето со нож. Инцидентот се случил во градот Нумедал, на југоистокот на Норвешка, соопшти локалната полиција.
Според норвешките медиуми, полицијата добила дојава за нападот околу 8.45 часот по локално време. А, набрзо потоа на местото пристигнале возила на Брза помош, противпожарни екипи и три хеликоптери.
Шефот на противпожарната екипа тврди дека полицијата во меѓувреме успеала да го фати напаѓачот.
„Успеаја да го фатат, имаат контрола над него. Тоа е се што знаеме засега“ – изјавил пожарникарот.
#Numedal #Fjordvegen 08:47 Flere personer er tilfeldig skadd i forbindelse med en knivstikking. Nødetatene er på vei, og det er definert som en PLIVO hendelse. Denne blir oppdatert når vi har kapasitet.
— Sør-Øst politidistrikt (@politietsorost) May 20, 2022