Таа инвестира во огромни ресурси за да се одржи на врвот во технологијата и науката, a само во 2017 година Шенжен генерираше 338 милијарди долари, односно над 40 отсто од иновативните технолошки бизниси, а следниот план е да се прошири јужната развојна зона на земјата
Кина е иднината на светот зашто во изминатите четириесет години таа се вивна во велесила во техничко-технолошка смисла, економска, па и културна, согласни се светските аналитичари. Големи чекори беа направени во модернизацијата на Кина: воспоставени се локални и национални електрични мрежи, зајакнат е индустрискиот капацитет, а човечкиот капитал многу брзо се подобри. Од 1949 до 1979 година, стапката на писменост се искачи од под 20 отсто на дури 66 отсто, а животниот век порасна од 41 на 64 години. Сето ова е основа за програмата „реформи и отворање“ на Денг Сјаопинг, која го активираше брзиот економски пораст и развој на Кина во изминатите 40 години. И денес списокот на задачи на Кина е долг, а приоритетните обврски се намалување на нееднаквоста и промена на деградацијата на животната средина, па сè до реструктурирање на економијата.
Кина денес го одржува темпото, таа инвестира во огромни ресурси за да се одржи на врвот во технологијата и науката. Само во 2017 година Шенжен генерираше 338 милијарди долари, односно над 40 отсто од иновативните технолошки бизниси, а следниот план е да се прошири јужната развојна зона на Кина за да ги вклучи Макао и Хонг Конг. Оваа област е една од најекономските области за развој во Кина во денешно време. И со комбинирање на Хонг Конг и Макао, централната влада има план да ја развие целата област во една од најголемите заливски области во светот, за да стане конкурентна на заливот Токио и заливот Сан Франциско.
Кина ги гради највисоките згради во светот, најдолгите мостови, најдлабоките тунели, најбрзите железнички возови, огромни пристаништа, над 100 аеродроми. Во 1980 година, помалку од 20 отсто од Кина беше урбана. До 2030 година, 70 отсто од целокупното население, една милијарда луѓе, ќе живеат во градовите. Старите градови се градат.
Висока 580 метри, кулата во Шангај сега е повисока од тајванскиот облакодер Тајпеј 101 кој досега со своите 509 метри беше највисокиот објект во Азија и втор во светот. Облакодерот во кинеската финансиска престолнина Шангај, чие градење чини 14,8 милијарди јуани или 1,8 милијарди евра.
Кулата во Шангај е прекрасен симбол на напредокот на Кина. Но, тоа не е празен симбол. Создаден е со најсофистицираната дигитална технологија во светот, тој вклучува најсовремени одржливи системи и е пионер на вертикалниот урбан двор на секој начин архитектонски, еколошки, културно чудо и не само што го симболизира напредокот, туку и го редефинира.
