Дојче банк предупредува: На светот му се заканува „темпирана бомба“ поради инфлацијата

44

На некои може да им се чини дека инфлацијата е проблем што ќе исчезне, многу е веројатно дека ќе доведе до криза во наредните години, предупредија економистите на Дојче банк.

Во прогнозата која е далеку од консензусот на креаторите на политиките и Волстрит, Дојче банк издаде предупредување во кое се вели дека отфрлањето на стравот од инфлација ќе се покаже како голема грешка до 2023 година.

Анализата посебно го покажува прстот кон Федералните резерви (ФЕД) и новата рамка, која толерира повисока инфлација за целосно и ексклузивно закрепнување. Банката тврди дека одлуката на ФЕД да не ја заостри политиката додека инфлацијата не покаже постојан раст ќе има ужасни последици за светот.

„Одложувањето ќе резултира со поголемо нарушување на економската и финансиската активност отколку што инаку би било случај“, напиша главниот економист на Дојче банк, Дејвид Фолкертс.

„Ова може да создаде значителна рецесија и да предизвика синџир на финансиски проблеми низ целиот свет, особено на пазарите во развој“, предупреди тој.

Како дел од својот пристап кон инфлацијата, ФЕД нема да ги зголеми каматните стапки или да ја намали програмата за купување средства додека не види „значителен понатамошен напредок“ кон своите сеопфатни цели. Неколку претставници на централната банка изјавија дека не се блиску до тие цели.

Во меѓувреме, показателите како што се индексот на потрошувачките цени и расходите за лична потрошувачка се далеку над целта на ФЕД за инфлација од 2%.

Креаторите на политиката велат дека сегашниот пораст на инфлацијата е привремен и ќе забави кога ќе исчезнат прекините во снабдувањето и ќе се отстранат ефектите од пандемијата на коронавирус.