Во скопската Зоолошка градина пристигнаа млади 15 птици од родот фламинго. Од ЗОО информираат дека во моментов птиците се чуваат во специјални услови, а јавноста ќе може да ги види онлајн кога ќе биде комплетно подготвено нивното живеалиште.
Директорот на Зоолошката градина Ѓорѓи Галетановски на фејсбук ја сподели радосната фест најавувајќи уште една, а тоа е дека наскоро од Лондон во Скопје ќе пристигнат и пингвините.
– Со огромна помош на град Скопје, за кратко време го добиваме живеалиштето за пингвини, кое ќе биде едно од најубавите во Европа, а пингвините ќе пристигнат од Лондон. Живеалиштата се при крај, се надеваме дека наскоро ќе заврши пандемијата и граѓаните ќе можат да уживаат во глетките на овие најубави тропски птици – објави Галетановски.
