Извршниот директор на Формула 1, Стефано Доменикали, има намера да го промени форматот за време на гран-при викендите.
- Би сакал да ги сведам тренинзите на минимум, тие се интересни само за тимските инженери, не и за гледачите. Заедно со други менаџери, работиме во оваа насока. На следниот состанок на Комисијата за натпреварувањето во Ф-1, ќе го изнесам мојот предлог. Според мене, возачите секој пат треба да се борат за нешто важно. Ќе разговараме како да направиме промени во тековниот формат за викендите, дали може да се подобри нешто – изјави Доменикали.
Менаџерот нагласи дека Ф-1 нема да го менува форматот на неделната трка.
