Давид де Хеа на крајот се согласил да го обнови договорот со Манчестер Јунајтед за да остане во клубот уште неколку години, објавија англиските медиуми денес.
По прилично долги и тешки преговори, шпанскиот голман прифатил да го продолжи договорот за 4 + 1 година и да добива по 350.000 фунти неделно. Договорот ќе биде потпишан веднаш по враќањето од турнејата во Австралија и Кина.
Во последните години Де Хеа беше предмет на интерес од други клубови, но ова лето за него немало никакви понуди, па тоа веројатно исто така одиграло улога во одлуката на 28-годишниот голман.
Иако имаше променливи игри на крајот на минатата сезона, голманот беше избиран за најдобар играч на Јунајтед во 4 од претходните 5 сезони, затоа навивачите сигурно ќе бидат задоволни дека ќе остане на „Олд Трафорд“ уште долго време.