Во прекин е водоснабдувањето на неколку улици во Берово. Причината, како што информираа од Јавното претпријатие за комунални работи ,„Услуга”, е поголем дефект на главната водоводна линија.
– Поради отстранување на дефект на водоводната мрежа, без вода во моментот е дел од градот Берово, односно улиците Ленинова, Марксова, Енгелсова и Брдославица, информираа од ЈПКР „Услуга”.
Поради дефектот, како што додадоа, без вода за пиење се и жители од неколку рурални средини.
Недостиг од вода за пиење има и во селата Смојмирово, Мачево и Митрашинци.
Екипите се на терен и работат на отстранување на дефектот, додадоа од претпријатието.
Упатија апел до граѓаните на стрпливост, потенцирајки дека најдоцна до утринските часови водоснабдувањето ќе биде нормализирано.
