Во последното интервју кое го даде за „Мундо Депортиво“, трофејниот шпански стручњак, Винсенте дел Боске, откри дека нема некое убаво мислење за бразилскиот интернационалец Неимар и испрати јасна порака до челниците на Барселона околу можниот негов кам-бек на „Ноу Камп“.
- Тешко е да го тренираш Неимар, за кого сметам дека не е добар пример за фудбалер. Јасно е дека го сметам за врвен играч, кого би го сместил меѓу најдобрите петмина во светот, но има многу лоши особини. На теренот многу глуми, а кога знаете на кој начин ја напушти Барса, тогаш ви е јасно дека не е ниту добар човек. Клубот не смее да брза при одлуката дали ќе го врати Бразилецот. Тоа е одлука за менаџментот, не за Меси и соиграчите. Тука треба да се реши со студена глава, бидејќи нема фудбалер кој ќе каже лошо за друг колега, изјави Дел Боске во интервјуто за „Мундо Депортиво“.
