Зоолошката градина Скопје на седми септември поканува заедно да го прославиме меѓународниот ден за запознавање со мршојадците.
Сите посетители во Зоолошката ќе имаат шанса на интересен начин да научат нешто повеќе за овие ретки и честопати заборавени птици, како и да се запознаат со мерките кои се преземаат за нивна заштита во регионот. Настанот е наменет за сите возрасти, а ќе се одржи веднаш до одделот за мршојадци и грабливи птици во Зоолошката градина.
