Дилема…
Македонката Марија Груевска, која балканската публика ја запозна во шоуто „Ѕвездите на Гранд“, не само со пеење, туку и со спектакуларни сценски настапи (особено со змијата), дефинитивно ја напушти Македонија! Се отсели од татковината. По примерот на голем број млади луѓе!
-Живеам во Германија, но да бидам искрена, не ми се допаѓа. Размислувам да се вратам назад во Македонија, бидејќи според мене Балканот ми е најдобар, вели Марија. Но и не открива кои се причините поради кои замина за Германија, дали само поради подобра заработувачка?
Инаку, оваа згодна Битолчанка пред да се пресели во Германија, се омажи. Нејзиниот сопруг е момчето Синиша, фитнес инструктор. И ако во Германија не пее професионално, таа подготвува две нови песни. Нестрплива е публиката во Македонија и во Србија, да ги слушне тие песни за кои е убедена дека оваа пролет и лето ќе станат хитови. Д.М.
