Граничната полиција во Улцињ заплени околу 97 килограми сканк, а Одделот за безбедност приведе едно лице, а по друго се трага.
Полициската управа соопшти дека полицијата во градот Дарза запрела возило марка „шкода“ со албански регистарски таблички, кое го управувал К.П.(29) од Албанија.
Откако застанал, возачот ненадејно го стартувал возилото и во таа прилика со возилото прегазил припадник на граничната полиција во пределот на ногата.
После тоа, велат, дошло до потера по возилото, кое било пронајдено оставено и отклучено во градот Круче.
„Полицијата во градот Клезна сопрела возило „пашат“ со албански регистарски таблички, кое го управувал А.Х.(30) од Албанија, а кој е поврзан со К.П. и извршувањето на предметното кривично дело“, се наведува во соопштението.
Запленетата дрога, се додава, ја пронашло куче на граничната полиција коja билa отфрленa, а на коja ќе биде извршено вештачење во Центарот за судска медицина на Црна Гора
Се посочува дека се пронајдени 163 пакувања со темнозелена растителна материја, за која постои сомневање дека е сканк, со вкупна тежина од околу 96,8 килограми.
„По наредба на државен обвинител во Вишото државно обвинителство во Подгорица, поради сомнение дека сторил кривично дело неовластено производство, држење и пуштање во промет наркотични дроги од слобода е лишен А.Х., додека интензивно се трага по К.П. “, се заклучува во соопштението.
