Главниот булевар во Тирана украсен со специјален декор за Самитот ЕУ- Западен Балкан 

47

Самитот ЕУ-Западен Балкан што ќе се одржи утре во Тирана го претвори главниот град на Албанија во „срце“ на Европа. На оваа атмосфера соодветствува и празничниот декор на булеварите и улиците кои водат до Конгресната палата, на плоштадот „Италија“, каде утре се среќаваат лидерите на Европската Унија и Западен Балкан, оценува Топ чанел.  

На булеварот „Народни херои“ се поставени албански национални и знамињата на Европската Унија. Исто така, долж булеварот се закачени големи плакати со портрети на европски лидери; на оние од минатото, кои испишаа историја, но и на сегашните. Покрај политичките лидери има и портрети на значајни личности од албанската нација како Исмаил Кадаре.  

За овој настан се украсени и просториите на Конгресната палата. Ентериерите се исполнети со штандови и подиуми, кои се украсени со албански народни мотиви, но и со боите на знамето на Европската унија. 

Надворешните простории го носат логото на самитот, и заедничките бои на ЕУ и Албанија. Празничниот декор ја надополнува општата ентузијастичка атмосфера што овој самит ја донесе во Тирана, необичен настан што го изразува новото ниво на земјата на меѓународната сцена. 

Самитот ЕУ-Западен Балкан, кој ќе се одржи на утре во Тирана, е прв самит од ваков вид што ќе се одржува во регионот на Западен Балкан. 

Самитот е дел од имплементацијата на стратешката агенда на Европскиот совет 2019-2024 година, а се оценува и како можност да се потврди клучната важност на стратешкото партнерство меѓу ЕУ и Западен Балкан, регион со јасна перспектива кон ЕУ. 

Неколку метри подалеку, пред хотелот во близина на стадионот “Ер Албанија“, стојат протоколарните тимови на албанската држава и оние на ЕУ за да го координираат секој детал утре за 44-те делегации.  

За безбедноста се ангажирани над 2 илјади полициски службеници од сите сектори а небото над Тирана го мониторират и хеликоптери.