Македонскиот таеквондо репрезентативец Дејан Георгиевски, оствари фантастичен успех со обезбедувањето на А-норма за настап на Олимписките Игри во Токио. Но, тој не само што ќе биде дел од маједонската експедиција што ќе се бори за медал во јапонската престолнина, ќе биде и знаменосец на Свеченото отворање на ОИ.
Оваа информација ја обелодени тренерот на таеквондо клубот „Бутел“, Дарко Костовски, на својот профил на социјалната мрежа Фејсбук.
-Почитувани, со посебно задоволство сакам да ве известам дека нашиот олимпиец Дејан Георгиевски ќе биде знаменосец на олимписки тим на Олимписките игри во Токио – објави Костовски.
Дејан Георгиевски обезбеди олимписка норма, откако на квалификацискиот турнир во Софија (Бугарија) во големото финале со убедливи 13:6 го совлада актуелниот олимписки шампион, Радик Исаев од Азербејџан.
Георгиевски е вториот македонски олимпиец во Токио, по борачот Могамедгаџи Нуров.
Фото: Фејсбук
