Гаспром и партнерите обезбедија финансирање за завршување на изградбата на Северен тек 2

43
epa04163940 An undated handout photo provided by the Slovakian gas-pipeline company Eustream on 11 April 2014 shows a gas compressor station in the eastern town of Velke Kapusany, Slovakia, near the border with Ukraine. Slovakia has declared it is ready to guarantee a reverse gas flow for Ukraine. Slovak media report that an agreement on a gas-pipeline connection will be signed 15 April 2014 during a trilateral meeting of Slovakia, Ukraine and the European Commission. EPA/Eustream / HANDOUT HANDOUT EDITORIAL USE ONLY

Гаспром и неговите европски партнери обезбедија речиси стопроцентно финансирање за завршување на изградбата на гасоводот „Северен тек 2“, кој сега има заокружена финансиска поддршка за пуштање во употреба, објави прес-службата на проектната компанија „Северен тек 2“.

„Проектот Северен тек 2 е целосно финансиран и ги има сите потребни финансиски средства и финансиска поддршка за ставање во функција на гасоводот. Речиси 100 проценти од потребните средства се веќе обезбедени од акционери и финансиски инвеститори”, соопшти компанијата.

Во текот на вчерашниот ден, англо-холандската Шел и австриската ОМВ објавија дека го завршиле финансирањето на проектот. ОМВ одвои околу 729 милиони евра за финансирање на изградбата на гасоводот „Северен тек 2“. Шел не ја соопшти висината на инвестицијата, а прес-службата на Винтершел објави дека компанијата вложила 730 милиони евра.

Со проектот „Северен тек 2“ се предвидува изградба на два цевководи со вкупен капацитет од 55 милијарди кубика годишно, од рускиот брег, преку Балтичко Море до Германија.

Во моментов, изградени се 93 проценти од гасоводот, но изградбата беше стопирана кон крајот на 2019 година, откако швајцарскиот Алсеас (Allseas) одби да ги поставува цевките поради санкциите од САД.

Операторот на изградбата на Северен тек 2 – Норд стрим 2, на 28 ноември објави дека изградбата на гасоводот ќе продолжи во декември оваа година и дека цевките ќе ги поставува брод закотвен во ексклузивната економска зона на Германија.