Гувернерот на Хрватската национална банка Борис Вујчиќ изјави денеска дека точниот датум за воведување на еврото во државата ќе се знае дури следната година.
– Ако тоа биде 1 јануари 2023 имаме само уште 14 месеци, и на некои тоа може да им е многу, но за процесот тоа е релативно малку време, изјави Вујчиќ.
Тој додаде дека ќе биде донесен закон што прецизно ќе одреди како ќе се одвива преминот од куни кон евро и дека основен принцип ќе биде заштита на потрошувачите. Сето тоа според него ќе важи и за фирмите.
– Искуствата од сите држави кои досега влегоа во еврозоната покажуваат дека растот на платите бил поголем од растот на цените а животниот стандард на населението се зголемил и поради тоа засега поддршката во државите што досега го воведоа еврото е многу висока, додаде тој.