Нашиот, но и нивниот, односно балканската поп-ѕвезда, легендарниот поп-пејач од македонско Крушево Тоше Проески, наскоро ќе добие улица според неговото име и презиме, и тоа во српското село Јабука кое се наоѓа во близината на банатскиот град Панчево. Овој убав предлог улицата во селото Јабука да го носи името на починатиот македонски пејач е упатен до Градското собрание на Панчево.
–
Со овој чин, жителите на селото Јабука, каде живеат најмногу Македонци доселени таму по Втората светска војна, сакаат да му оддадат почит на нивниот познат и популарен и никогаш заборавен сонародник. Ова ќе биде прва улица во Србија која ќе го носи името на пејачот од Крушево, кој и ден-денес има голем број на обожаватели и во самата Србија. И таму неговите песни доколку слушате било која српска радио-тв станица, постојано се вртат. Инаку, Проески почина пред 12 години во тешка сообраќајна несреќа кај Нова Градишка во Хрватска во која останале живи, со значителни повреди, возачот и менаџерката Љиља која потоа изјавила “дека жали што и неа не ја земал господ за да не се мачи“. Д.М.