И покрај политичката нестабилност и тоа што Србија е една од најсиромашните земји во Европа, малопродажниот пазар се подобрува и покрај забавениот економски раст во однос на минатата година, растот на малопродажбата во 2019 година ќе биде 4,1 процент, се вели во истражување на компанијата АТ Керни, објави „Данас“.
Пазарот на малопродажба во Србија минатата година вредеше 20 милијарди долари, а на списокот на АТ Керни, што го мери развојот на глобалниот пазар на мало, Србија скокна за осум места во однос на 2017 година.
Според истражувањето, српските граѓани најмногу трошат на храна и безалкохолни пијалаци – 9,2 милијарди американски долари.
Пазарот на облека и обувки, исто така, се очекува да расте со оглед на ширење на H&M, Inditex (Zara) и LLP, додека присуството на ИКЕА, Emecet и Minio може да ја зголеми потрошувачката во тој сектор на 5,3 до следната година.
„AT Керни“ (АТ Kerney) во својот извештај го анализирале и развојот на е-трговијата во Србија. Се нагласува дека побавниот развој на е-трговијата се должи на неколку фактори, од кои најзначајно е заминувањето на младите од земјата и лошата инфраструктура.
И покрај тоа, електронската трговија се очекува да се зголеми за 9,6 проценти. Приходите од електронска трговија на тој начин би можеле да достигнат 510 милиони американски долари до 2023 година, со електроника и медиуми со најголем удел во овој раст. Иако српските граѓани трошат во просек 61 долари за е-трговија, АТ Керни проценува дека во следните две години, бројот на онлајн купувачи од Србија, сега 2,9 милиони, би можел да се зголеми за еден милион.
