Во Македонската филхармонија вечерва (2 јули) во 19.30 часот концерт ќе одржи германскиот гудачки квартет Minguet Quartet.
Љубителите на класичната музика ќе имаат ретка можност да уживаат во нивната неповторлива изведба и во звуците на Шуман и Брамс.
Основан во 1988 година Minguet Quartet ја црпи својата инспирација од класично-романтичната музика, како и современата музика.
Дополнителна инспирација се и современите музичари и нивното творештво, кое поттикнува создавање на нова фузија од музички тонови.
Влезот за концертот е слободен.