Општина Делчево ги реактивираше договорите на девет лица ангажирани преку програмата Општинскокорисна работа.
Активностите се дел од стратегијата на УНДП, при што е креиран сервис за поддршка на најранливите катаегории лица, стари лица, лица со попреченост и други ранливи категории на граѓани.
– Активностите се во насока на поддршка во напорите во борба против коронавирусот во нашата земја, а за таа цел Општина Делчево ги реактивираше овие договорите на лицата кои претходно беа ангажирани преку Програмата Општинско-корисна работа кои давале услуги за стари лица и лица со попреченост. Лицата се ангажирани за период од еден месец, почнувајќи од 6 април до 6 мај 2020 година – информираа надлежните.
Задачата на овие лица, како што додаваат, ќе се состои од достава на намирници, лекови, плаќање сметки и други слични услуги кои
крајните корисници не се во можност самите да ги извршуваат.
– За ангажираните лица е изработен видеоматеријал за обука од страна на УНДП и до сите ангажирани лица е доставена заштитна опрема (ракавици, маски, средства за лична дезинфекција) која ќе треба да ја користат за време на работните активности – додадоа од Општина Делчево.
Со активирањето на мобилните тимови преку Програмата
Општинско-корисна работа, според надлежните, ќе се засилат
мобилните тимови формирани од Општина Делчево пред три недели.
Граѓаните од наведените категории услугата можат да ја побараат на телефонските броеви: 075/367-927 и 075/367-903