Владата им даде рок на концесионерите на ловните друштва во рок од 10 дена да извршат отстрел на 50 отсто од дивите свињи, а во ловиштата каде нема концесионери ќе биде вклучена војската. Наградата за застрелана дива свиња е 1.000 денари, а за заклана свиња на домашно одгледувалише 3.000 денари.
-Апелираме до ловните друштва да извршат отстрел на 50 отсто од дивите свињи низ Македонија. Доколку тие не можат тоа да го сторат, тогаш ќе ја активираме армијата на Македонија за такви мерки. Свињите кои се хранат на депониите ќе бидат отстранети и мора да ги примениме овие радикални мерки. Ловните друштва знаат најдобро како да се справат со овој проблем и мора да спречиме болеста да премине на нашата територија, истакна Анѓушев.
Владата за овие превентивни мерки планира да потроши околу 65 милиони денари.