Украинските војници од островот Црноморски змии, за кои беше објавено дека се мртви, „се живи и здрави“, соопшти украинската морнарица.
Во соопштението на морнарицата се наведува дека војниците на островот биле принудени да се предадат поради недостаток на муниција.
Претходно украинската гранична служба соопшти дека добила информација дека 82 војници се живи.
Руските државни медиуми објавија и пристигнување на украински војници во Севастопол на Крим.
What appears to be footage of the Ukrainian garrison of Snake Island surrendering to Russian troops has surfaced; earlier the Ukrainian government had claimed they they refused to surrender and had all died heroically pic.twitter.com/6I6tbQS0Fx
— Russians With Attitude (@RWApodcast) February 26, 2022
— Ukraine Russia Bot Check (@UA_BotTwitte) February 26, 2022
Во петокот бројни светски медиуми објавија дека 13 украински војници на Змискиот остров во Црното Море, кои одбиле да му се предадат на рускиот воен брод, загинале во руското бомбардирање.
По веста, украинскиот претседател Володимир Зеленски ја пофали храброста на војниците, велејќи дека секој постхумно ќе го добие Орденот за воени херои.
„На нашиот Змиски остров, бранејќи го до последен час, херојски загинаа сите наши граничари. Тие не се откажаа“, рече тогаш Зеленски.
Змискиот остров се наоѓа на околу 48 километри од украинското копно, во северозападниот дел на Црното Море.
