Доколку сте љубители на слатко, а сакате да пробате нешто поинакво, американските палачинки “pancakes” ќе ви станат омилениот рецепт, а домашните ќе бидат воодушевени.
Одлични се за појадок, но секако најоригинални се како десерт, а комбинацијата на фил е неограничена – џем, крем, мед, слатки овошни сирупи, преливи, ореви, кокос, лешници… Што и да одберете вистински ќе уживате во вкусот.
Состојки:
- 200 гр брашно
- 1 лажица шеќер
- 1 лажиче пециво
- половина лажиче сода бикарбона
- четвртина лажиче сол
- 2 јајца
- 250 мл млеко
- 3 лажици масло за јадење
Подготовка:
Јајцата, млекото и маслото се матат со миксер, па се додаваат сувите состојки. Се продолжува со миксирањето, додека не добиете хомогена смеса, без грутчиња од брашното.
Смесата се остава да отстои 10 минути, а потоа палачинките се печат. Можете да ги печете во обична тава за палачинки, секако формирајќи кружни форми, или пак, доколку имате силиконски калап за американски палачинки.
Филувајте ги по вкус, и уживајте!