Ракометарите на Вардар ја одбранија титулата во Купот на Македонија, откако во финалето на завршниот турнир во Охрид во драматично финале го победија Еурофарм Пелистер со 26-25. За вардарци ова 16-та титула во Купот на Македонија.
Во поголемиот дел од натпреварот Вардар беше во предност и имаше контрола на играта и на резултатот. Пелистерци во финишот успеаја да ја стопат негативата и на само една минута пред крајот намалија на 25-26 за драматичен финиш, но Вардар ја задржа предноста и ја одбрани титулата го Купот.
Најефикасни во редовите на Вардар беа Куни Моралес и Леонардо Дутра со по седум голови, додека кај Пелистер по пет погодоци постигнаа Усама Хосни и Мохамед Суси.
И сите поединечни признанија во Куп завршницата останаа кај вардарци – Леонардо Дутра беше прогласен за најдобар играч во завршницата од Купот, Дејан Манасков за најдобар стрелец, а Борко Ристовски за најдобар голман.