Ако сакате обланди, еве еден одличен рецепт за крцкави колачи, што се прават навистина едноставно и брзо.
Состојки:
- 1 пакување кори за обланди
- 500 мл млеко
- 300 грама шеќер
- 200 грама чоколадо
- 250 грама путер
- 200 грама мелени ореви
- 400 грама мелени бисквити
Подготовка:
Ставете 500 мл млеко во тенџере и додадете 300 грама шеќер, промешајте и оставете го да зоврие.
Кога млекото ќе зоврие, додадете 200 грама чоколадо и 250 грама путер, нека се стопи се, и оставете го да врие 5 минути.
Тргнете го од рингла и додадете 200 грама ореви, промешајте, а потоа постепено додавајте ги бисквитите додека мешате.
Почекајте филот да се олади и да биде млак, а потоа премачкајте ја обландата и покријте ја со друга кора. Повторете ја постапката додека не ги потрошите сите кори (на крајот завршете со кора).
Ставете нешто тешко на колачот за да стане цврст и компактен, а веќе по половина час, можете да ги сечете обландите.
Уживајте во вкусот!
