Ако се грижите за линијата и сакате да уживате во десерт без да се грижите дека сте внеле премногу калории, ова е вистинскиот рецепт за вас!
Брауни без шеќер содржат малку калории, но не за сметка на вкусот!
Потребно е:
- јаболко со средна големина
- прстофат цимет
- две јајца
- две лажици масло
- ¼ лажички екстракт од ванила
- две лажици мед
- лажица какао
- ¼ лажичка сол
- 1/2 чаша брашно од цело зрно
- ¼ лажичка прашок за печиво
- ¼ лажичка сода бикарбона
Приготвување:
Направете пире од едно јаболко кое ќе го ставите исечкано на парчиња парчиња во вода, ќе додадете цимет и ќе го варите околу половина час. Кога јаболкото ќе биде сварено, испасирајте го со миксер за пасирање или со вилушка. Во чинија со средна големина, изматете ги јајцата и додадете масло, екстракт од ванила, мед и изматете сè. Во изматената смеса додадете какао и сол, измешајте повторно, па додадете го пирето од јаболко што сте го направиле и повторно промешајте за да се соединат состојките. Во посебен сад истурете го брашното, прашокот за пециво, сода бикарбоната и кога ќе ги измешате, додадете ја смесата со какао што сте ја подготвиле порано. Кога ќе ги измешате состојките да се соединат, истурете ја смесата во подготвената тава и печете 25-30 минути на 180 степени.