Во реонот на Бојмија почна спроведувањето на втората фаза од изградбата на канализациската мрежа во која треба да се инсталира секундарна цевководна мрежа во должина од околу три километри и да се изградат 116 канализациски шахти.
– Реализацијата на втората фаза од изградбата на канализациската мрежа е од огромно значење за реонот на Бојмија, кој, конечно ќе биде целосно опфатен со примарна и секундарна канализациска мрежа за фекална и отпадна вода – велат од Валандово.
Проектот треба да се реализира во рок од 120 дена, по што општина Валандово вети дека ќе продолжи и понатаму да реализира проекти кои ќе овозможат еднакви услови за квалитетен живот на сите жители од општината.
