Високиот претставник за надворешна и безбедносна политика на ЕУ Жозеп Борел претстави предлог за нов пристап на Унијата кон Русија, нагласувајќи дека Брисел во односите со Москва треба да биде подготвен истовремено да „одговори, присили и разговара“.
Новите упатства за односите со Русија треба да бидат усвоени на самитот на ЕУ на 24 и 25 јуни.
– Овие три глаголи ги претставуваат главните насоки на нашите активности. Ако земјите-членки ги одобрат тие препораки, тие треба да направат да се почитуваат и да не дозволуваат Русија да не дели, истакна Борел.
Според него, односите на ЕУ со руската влада се „на најниско ниво“.
Борел посочи дека Русија не сака да разговара со Европската унија како целина, но претпочита да разговара директно со некои нејзини земји-членки, со оние што, според нејзиното мислење, имаат одредено значење.
– ЕУ треба да се покаже обединета за да ја принуди Русија да разговара со неа, рече Борел.
Презентацијата на новиот пристап на ЕУ кон Русија се совпадна со почетокот на состанокот во Женева меѓу американскиот и рускиот претседател Џo Бајден и Владимир Путин.
