Кога правите здрави колачи имате една предност – можете да јадете колку сакате. Овие бомбици со овесни снегулки и јаболки се прават многу брзо и освен што ќе ја задоволат вашата желба за благо, тие имаат многу хранливи материи и претставуваат супер храна.
Самите овесни снегулки се богати со влакна, ќе ви држат ситост, а нема да го оптоваруваат вашиот организам.
За овие здрави бомбици ќе ви бидат потребни:
- две шољи овесни снегулки
- 2 рендани јаболки
- 100 гр сушена брусница
- 100 гр толчени ореви
- 2 лажици мед
Излупете ги и нарендајте ги јаболките и додадете ги во овесните снегулки, кои претходно сте ги ставиле во длабок сад каде ќе ја мешате смесата за бомбици. Во оваа смеса додадете ги и останатите состојки, брусницата, оревите и медот.
Убаво измешајте ја смесата и оставете ја во фрижидер два до три часа да отстои.
Од смесата направете бомбици, кои ќе ги редите на хартија за печење. Печете ги бомбиците околу 15-20 минути на температура од 190 степени.
Пријатен вкус и уживајте!