Близок извор до таборот на италијанскиот калчолигаш Наполи откри дека клупските челници очекуваат богати понуди за одличниот играч за врска Фабијан Руиз од раководните лица на шпанските гиганти Барселона и Реал (М).
Благодарение на совршените игри во актуелната сезона, поранешниот фудбалер на Бетис од Севилја го привлече вниманието на европските гиганти и за очекување е да ја промени клупската средина за време на летниот преоден рок. Сепак, понудата за неговите услуги не смее да биде помала од 80 мил. евра.