Поранешниот прв човек на Формула 1, Берни Еклстон, даде изненадувачка изјава за војната во Украина. Искусниот Британец јасно застана на страната на Русија и особено на Владимир Путин.
Деведесет и едногодишниот Еклстон го опиша Путин како „личност од прва класа и дека е „чувствителен“, а цивилните жртви во војната ги опиша како „ненамерни“. Путин и Еклстон се сретнаа во 2014 година кога се одржа првата трка во Формула 1 во Русија, а сега на прашањето на новинарот дали сè уште го смета Путин за свој пријател, Еклстон одговори потврдно.
- Сепак, би примил куршум за него! Мислам повеќе би сакал да бидам неповреден, но би зел куршум за него. Тој е човек од прва класа и го прави она што верува дека е правилно за Русија. За жал, како бизнис луѓе кои сите ние одвреме-навреме грешиме, и јас ги правев. Но, кога ги правиш, треба да работиш напорно за да го поправиш тоа. Мислам дека тој ги прави работите како што треба, вели Еклстон.
Поранешниот сопственик на Формула 1, пак, нема добро мислење за Володимир Зеленски, актуелниот претседател на Украина.
- Од друга страна, во Украина… Знам дека Зеленски беше комичар и се чини дека сака да продолжи со таа професија. Да размислуваше и да се трудеше доволно да разговара со господинот Путин, кој е емотивна личност, тој би го послушал и веројатно би направил нешто во врска со тоа, додаде Берни.
Новинарите ги интересираше што мисли Еклстон за „десетици илјади загинати Украинци“, а во одговорот се потсетија на бројните американски воени интервенции.
- Не се обидувам да го оправдам тоа, не беше намерно. Погледнете колку пати Америка влегуваше во земји кои немаа никаква врска со Америка. Всушност, војните се работа на Америка затоа што им е добро да продаваат оружје, смета Еклстон.
