Овогодинешната победничка на наградите Греми, американската пејачка Били Ајлиш ќе има „специјален настап на Оскарите“, објавија светските медиуми.
Таа, иако не е номинирана, изгледа ќе ја промовира насловната песна на најновиот филм за најпознатиот шпион на светот Џејмс Бонд „Не е време за умирање“ („No time to die“).
Како што е познато песните „I Can’t Let You Throw Yourself Away“ (Приказна за играчките 4), „I’m Gonna Love Me Again“ на Елтон Џон (Рокетмен), „I’m Standing With You“ (Breakthrough), „Into the Unknown“ (Фрозен 2) и „Stand Up“ на Синтија Ериво (Хариет) се во трка за Оскарот во категоријата најдобра песна.
Свеченоста на доделувањето на Оскари е на 9 февруари.
