Напаѓачот на Реал од Мадрид, Герет Бејл, нема да го напушти клубот до крајот на договорот, пренесува „Мирор“. Сегашниот договор важи до 2022 година.
Триесетгодишниот Велшанец има заладени односи со тренерот на тимот Зинедин Зидан и навивачите на Мадрид. Кралскиот клуб би сакал да го продаде играчот заради неговата висока плата. Во минатиот трансфер период тој одби да оди на позајмица во друг клуб.
Оваа сезона, Бејл има одиграно 12 натпревари во шпанското првенство, во кое постигна два гола и направи две асистенции. Тој исто така има два натпревари во ЛШ. „Трансфермаркт“ ја проценува вредноста на играчот на 40 милиони евра.
