Младата актерка Ања Тејлор-Џој се прослави со улогата во серијата на „Нетфликс“ наречена “Дамски гамбит” („The Queen’s Gambit“) и се чини дека таа реши да ги освои малите екрани, големите екрани и нашите срца по оваа серија. Оваа година, Ања ја има во дури три филма – „Новите мутанти“, „Ема“ и „Еве ги младите мажи“, а учествуваше и во уште пет други филмови кои во моментов се во постпродукција. Не само што ни го покажа неизмерниот актерски талент, таа и оваа година пријатно не изненади со својот изглед на убавина со инспирацијата најмногу во гламурот на поранешниот Холивуд. Слободно би можеле да кажеме дека таа е идеалот за нова холивудска убавица.
На овогодишните престижни Оскари, Ања се појави во фустан на модната дизајнерка Вера Ванг и со накит од познатата марка Тифани и Ко – и изгледаше како вистинска гламурозна убавица од дваесеттите години на минатиот век. За тоа придонесоа и нејзината малку брановидна, платина-руса коса, како и шминката со која ги потенцираше нејзините големи очи и карминот со кој ја истакнуваше формата на усните.
Неодамна ја видовме во гламурозно, но помодерно издание, во женствен и обемен фустан на брендот Диор, зад кој стои неговата нова креативна директорка Марија Грација Чиури – која е позната и по своите романтични креации наменети за силни жени. Фустанот Ања го носеше со женски чисти ракавици од тул, кармин циклама, природен тен и лабава коса.
Ања има убава негувана и сјајна платина руса коса, која е многу долга – и со која може да создаде цела низа различни и привлечни фризури. Таа носи и плетенки над главата што не поврзуваат како Лолита од истоимената позната книга на писателот Владимир Набоков, по што беше снимен познатиот филм.
Велат, никој како Ања не знае како да не врати во златното време на Холивуд. Понекогаш носи елегантна и неуредна крената коса во гламурозен стил. Со крената коса јасно е дека вратот доаѓа до израз, а Ања го искористи на вистински начин и го украси со необичен бисер.
Таа ужива да си игра со погледи инспирирани од ретро/стилот, а овој пат на ред е 1950-тите. Можеме да ја видиме со ајлајнер кој го нагласува обликот на нејзините очи. Малку руменило и цикламен кармин.
Друг начин на кој можете и вие да ја подигнете косата и да носите пунџа е елегантна балетска пунџа, на самиот врв на главата. Кога ќе ја подигнете косата на овој начин, лицето ќе дојде до израз и затоа ви препорачуваме добро да ги потенцирате веѓите и усните. Суптилните обетки, како што се едноставните бисери, ќе ја нагласат вашата убавина на вистински начин и ќе го заокружат целокупниот изглед.
