Српската естрадна мега-ѕвезда Аца Лукас очигледно се уште не може да се помири со тоа што ова лето неговиот охридски концерт не се одржа.
Не му е јасно како тоа можеше да се одржи концерт на Петар Грашо истиот ден на 1 август, а неговиот не.
-Медиумите силно го нападнаа мојот концерт, не заради оваа пандемија, туку затоа што во истиот ден беше закажан концерт на сплитската ѕвезда Петар Грашо. Јас се најдов во небрано.
–
Но да нема недоразбирање, упатувам сета почит за Петар, кој ми е инаку познаник и пријател, еден од омилените пејачи, нему на совест, како и на секој друг пејач кој ќе одржи концерт, но не заради мене, туку заради целата оваа ситуација….
Поставувам прашање: Во што е разликата меѓу мојот и неговиот концерт, мојот беше нападнат, а на Грашо не, неговиот се одржа, порачува Лукас преку српските медиуми.
Кој да знае, можеби Лукас и ќе го добие одговорот? До наредното лето има доволно време. А, и за среќа што Лукас не е злопамтило. (Д.М.)
