Предизвиците со водоводната мрежа, подобрување на сообраќајната инфраструктурата, обезбедување соодветна атмосферска канализација, потребата од соодветна светлосна сигнализација, повеќе зелени површини, уредување на кејот на Серава, беа истакнати како приоритети на координативниот состанок на градоначалничката на Град Скопје, Данела Арсовска и градоначалникот на Општина Бутел, Дарко Костовски, заедно со претставници на јавните претпријатија и секторите при Градот, како дел од теренскиот тим со претставници на урбани и рурални заедници од вкупно 13 населени места кои се наоѓаат во општина Бутел, како дел од активностите за проценка на состојбата со заборавените населби во градот.
-Град Скопје заедно со тимови составени од секторски претставници, преку постојана комуникација на терен со граѓаните од месните и урбани заедници во оваа општина и анализи на состојбите, ефикасно пристапува кон решенија за надминување на предизвиците и подобрување на условите во секојдневното функционирање на граѓаните. По завршување на теренската работа, Градот во соработка со општината ќе започне со изготвување и реализација на проекти кои се неопходни за надминување на предизвиците со кои се соочени граѓаните, а со единствена цел, подобрување на условите и обезбедување на квалитетен живот за граѓаните во секое населено место во општините во градот Скопје подеднакво – соопштија градските власти.
