Анџелина Џоли реши да направи мала пауза од актерството за да се фокусира на започнување нов бизнис. Имено, тaa напорно работи на создавање линија на облека и накит, пренесува Кликс.
Таа веќе се пријавила за заштита на брендот наречен Atelier Jolie. На овој проект работи една година и се надева дека барањето наскоро ќе биде одобрено.
„Таа е голем поборник за одржлива мода и тоа е нешто на што ќе се фокусира. Новиот бизнис се уште е во почетна фаза“, изјавил извор за американските медиуми.
Неодамна во интервју за магазинот „Вог“ зборуваше зошто ја поддржува одржливата мода.
„Вложувам во квалитетни парчиња облека, а потоа ги носам „до смрт“. Не ми е проблем долго да носам чизми, капут или чанта. Освен тоа, купувањето користена облека е исто така чекор кон одржлива иднина“, рече таа.
