Ќе имаат ли шанса македонските граѓани да се изјаснат дали се за преговори со ЕУ со прифаќање на „францускиот предлог“, засега е неизвесно. Втора иницијатива за референдум од вчера е во собраниската архива. Станува збор за барање за покренување задолжителен и дополнителен референдум на државно ниво со формулуирано прашање: „Дали сте за продолжување на преговорите со ЕУ со прифаќање на собраниските заклучоци од 16 јули 2022 година”.
Лидерот на Левица, пратеникот Димитар Апасиев е првопотпишан на иницијативата за која се собрани 750 потписи. Тој не очекува спикерот Талат Џафери да ја отфрли иницијативата.