Повеќето германски граѓани поддржуваат построга политика на Европската унија кога станува збор за доделување азил и сакаат да биде спречено илегалното влегување на барателите на азил во ЕУ, покажуваат резултатите од анкетата објавена во германскиот весник „Велт ам зонтаг“.

Како што наведува весникот, 59 проценти од испитаниците се изјасниле за измени на заедничкиот систем за азил на ЕУ што би ги спречило барателите на азил илегално да влезат во Унијата, а наместо тоа, поранливиот дел од населението би бил донесен директно од бегалските кампови во кризните региони.

На ваквото сценарио се спротивставија 30 проценти од испитаниците, додека 11 проценти не се одлучни.

Во моментов ЕУ нема поширок консензус за заедничка имиграциска политика. Од сите земји – членки на ЕУ, Германија примила најголем број баратели на азил од бегалските кампови во Турција.