Торнадото, кое денеска помина низ делови на американската сојузна држава Канзас, оштети неколку згради и повреди неколку лица, додека повеќе од 6.500 домаќинства останаа без струја, објавија властите, пренесува АП.
Властите објавија дека грмотевицата зафатила делови од Вичита и Андовер и дека се оштетени 50 до 100 згради, а некои куќи во некои делови од градот се „целосно уништени“.
Шефот на противпожарната служба на Андовер, Чад Расел, на прес-конференција изјави дека три лица се повредени во округот Седвик, меѓу кои и една жена која е тешко повредена, но дека нема повредени во округот Батлер и дека дополнително ќе се проценува ситуацијата подоцна.
Расел рече и дека, иако се уште не се знае точно колку згради се оштетени, повеќе од 900 згради биле погодени од торнадото, а меѓу оштетените ја споменал и зградата на градската управа, пренесува АП.
