Холивудскиот актер и Оскаровец, седумдесет и деветгодишниот Ал Пачино, ќе го игра некогашниот бродски тајкун Аристотел Оназис во биографска драма „Nemesis“, пренесува порталот Greek Gateway.
Филмот ќе го режира бразилскиот режисер Фернандо Меирелес, автор на „Божјиот град (City of God), кој истакнал дека ова ќе биде „новиот Кум“, а Аристотел Оназис ќе биде центар на приказната.
Дејствието на филмот е засновано според книгата „Противник: Вистинската приказна за Аристотел Оназис, Џеки О., и љубовниот триаголник кој ги уништи Кенедиеви“.
Ова дело се занимава со односот на Оназис и Боби Кенеди, кој ги истражувал деловните постапки на Аристотел, а потоа ја забранил и неговата трговија со САД. Писателот Питер Еванс ја истакнува и борбата на овие моќници за Џеки Кенеди, која станала толку силна, па Аристотел го финансирал атентатот на Боби.
Гласините се дека Мајкл Фасбендер ќе го игра Боби, но датумот за почеток на снимањето на филмот засега не е познат.
