Во пресрет на новата учебна година активистката Рита Бехадини од Тетово започна хуманитарна акција за собирање училишни материјали за децата чии семејствата немаат доволно средства да им купат. Нејзиното мото е „Овој септември, со полн ранец на училиште!“
– На десет локации во Тетово се поставени кутии каде луѓето можат да донираат училишни материјали, а јас потоа ќе ги поделам на семејствата каде имаат потреба, односно не можат да купат. Донациите се само во прибор, а не пари. Имавме неколку заинтересирани за донација на средства, но така потешко се работи, изјави Бехадини.
Досега луѓето донирале 100-ина ранци и училиштен прибор.
– Ние имаме список, знаеме некои семејства кои имаат потреба, но ќе контактирам со директорите на училиштата во општините Тетово и Теарце, да ми дадат список од ученици. Досега имаме 100 семејства евидентирано, но за среќа имаме собрано средства за сите, вели Бехадини.
Кутиите за донации беа поставени заклучно со вчерашниот ден.
