Претседателот на Собранието, Талат Џафери, не сака да коментира шпекулации околу евентуалната вмешаност на пратеници во случајот „Рекет“ кој го отвори Обвинителството за гонење на организиран криминал и корупција.
– Ако има потреба, треба да планирам со координаторите да имаат информација кој каде ќе биде и во случај да треба ќе знаеме во кој рок можат да се вратат пратениците. И да има таков случај пред 5 дена нема да може да заврши процедурата зошто прво треба да заседава Комисијата за мандатно-имунитетни прашања – вели Џафери.