Владата на Австралија објави дека ќе обезбеди пет милиони австралиски долари (3,7 милиони американски долари) за новинската агенција Австралиски асошиетед прес (ААП), која се најде во финансиски тешкотии поради пандемијата на коронавирус.
„AAP Newswire обезбедува услуги на повеќе од 250 водечки регионални медиуми низ Австралија, покривајќи јавни интереси за националните, државните и регионалните вести“, рече министерот за комуникации Пол Флечер.
„Новинарството од јавен интерес е важно денес, поважно од кога било. 5 милиони долари ќе му овозможат на ААП да продолжи да обезбедува важни медиумски услуги за заедниците низ Австралија“, додаде тој.
Притисокот врз австралискиот премиер Скот Морисон за поддршка на новинската агенција се засили откако претходните сопственици News Corp и Nine Entertainment објавија во март дека планираат да ја затворат.
Претседателот на ААП, Џонти Лоу и извршната директорка Ема Кудрој изразија задоволство од великодушната најава на владата.
„ААП доставува содржина до стотици весници и радиостаници, претежно на регионално ниво, кои не можат да праќаат новинари да известуваат за случувањата во поголемите градови, на нашите терени и спортски терени“, се вели во заедничкото соопштение.
Извор: МИА
